Enwau Defnyddwyr

Mathau o Ddefnyddwyr

Mae dau fath o ddefnyddwyr PAC.

• Defnyddwyr Cwmni
• Defnyddwyr Eraill (Defnyddwyr Llawrydd)

Defnyddiwr Cwmni

Gall defnyddwyr cwmni...

• Greu defnyddwyr cwmni newydd a golygu'r rhai sydd eisioes yn bodoli
• Creu defnyddwyr eraill sy'n gysylltiedig â'u cwmni a golygu'r rhai sydd eisioes yn bodoli
• Cael mynediad at bob rhaglen (sef pob cyfres, pob pennod o'r cyfresi hynny a phob rhaglen unigol sy'n gysylltiedig â'u cwmni)

Defnyddwyr Eraill

Gall defnyddwyr eraill...

• Gael mynediad at raglenni dim ond pan fyddent wedi cael caniatâd i wneud hynny (sef cyfresi, penodau o'r gyfres a rhaglenni unigol)

Creu Defnyddiwr

Er mwyn creu defnyddiwr newydd bydd angen i chi ddarparu'r wybodaeth ganlynol.

• Enw Cyntaf - Enw cyntaf y defnyddiwr (Ni ellir ei adael yn wag)
• Cyfenw - Cyfenw'r defnyddiwr (Ni ellir ei adael yn wag)
• Enw Defnyddiwr - Yr enw i'w ddefnyddio gan y defnyddiwr er mwyn mewngofnodi (dylai fod rhwng 6 a 30 nod). Bydd yn cael ei greu'n awtomatig pan fyddwch yn ychwanegu enw cyntaf a chyfenw'r defnyddiwr
• Cyfeiriad E-bost - Cyfeiriad e-bost dilys (Ni ellir ei adael yn wag)
• Iaith - Pa iaith y maent am i PAC ymddangos ynddi
• Dilys o - Y dyddiad pan gant fewngofnodi i PAC
• Dilys hyd at - Y dyddiad pan na chant fewngofnodi i PAC mwyach
• Cyfrinair - Y cyfrinair i'w ddefnyddio ganddynt i fewngofnodi i PAC. Gweler Gofynion Cyfrinair i gael rhagor o fanylion

Unwaith y byddwch wedi darparu'r wybodaeth hon, gwasgwch 'Arbed'. Bydd y wybodaeth yn cael ei wirio a bydd y system yn ceisio creu defnyddiwr newydd. Os bydd defnyddiwr arall â'r un 'Enw Defnyddiwr' eisioes yn bodoli, bydd angen i chi newid yr enw defnyddiwr a rhoi cynnig arall arni.

Gofynion Enw Defnyddiwr

Rhaid i Enw Defnyddiwr fod rhwng 6 a 30 nod o hyd, ac mae'n rhaid iddo fod yn unigryw.

Os ydych yn creu cyfrif ar gyfer gweithiwr llawrydd sydd hefyd yn gweithio'n llawrydd i gwmni cynhyrchu arall, efallai bydd rhaid i chi addasu'r enw defnyddiwr a gynhyrchir gan y system er mwyn cynnwys elfen adnabod unigryw.

Er enghraifft, mae "John Smith" yn gweithio i ddau gwmni gwahanol. Gydag un cwmni, mae'n mewngofnodi â'r enw defnyddiwr "John Smith", ond gyda'r cwmni arall mae'n defnyddio "John Smith2". Gall yr addasiad i wahaniaethu'r enwau fod yn unrhyw beth cyn belled bod yr enw denfyddiwr yn unigryw ar yr adeg caiff ei greu.

Gofynion E-bost

Ni chewch adael y cyfeiriad e-bost yn wag, a dylai gydymffurfio â'r rheolau safonol ar gyfer gwirio e-bost. Hynny yw, dylai edrych yn debyg i hyn:-

• username@domain
• user.name@domain
• username@subdomain.tld
• user.name@subdomain.tld

Os ydych yn canfod cyfeiriad e-bost sydd yn ddilys (h.y. gallwch e-bostio'r unigolyn gan ddefnyddio eich e-bost corfforaethol yn ogystal â chael ateb ganddynt) dywedwch wrth S4C a byddwn yn ymdrechu i ddatrys y mater.

Gofynion Cyfrinair

Rhaid i gyfrineiriau PAC ddilyn y rheolau canlynol.

• Rhaid iddynt fod o leiaf 6 nod o hyd
• Rhaid iddynt gynnwys o leiaf un o bob un o'r mathau canlynol o nodau:-
  • Priflythrennau - A-Z
  • Llythrennau bach - a-z
  • Rhifau - 0-9
  • Nodau arbennig - !£$%^&*()_=+;:#~,<.>/?|-\[]{}

Dileu Defnyddwyr

Ni ellir dileu defnyddwyr. Pe byddwch angen analluogi cyfrif, golygwch fanylion y defnyddiwr a newidiwch y dyddiad 'Dilys hyd at' i ddyddiad yn y gorffennol. Bydd hyn yn eu hatal rhag mewngofnodi.

Hidlo Defnyddwyr

Bydd y rhestr defnyddwyr yn dangos defnyddwyr gweithredol yn unig oni bai eich bod yn newid y gosodiadau. Hynny yw, y defnyddwyr sydd â dyddiadau 'Dilys o' a 'Dilys hyd at' sy'n cwmpasu'r dyddiad presennol. Dim ond y defnyddwyr hyn all fewngofnodi i'r system. Pe hoffech weld y defnyddwyr sydd ddim yn gallu mewngofnodi, gallwch ddewis Dangos defnyddwyr anweithredol yn unig, ac os ydych eisiau gweld pob defnyddiwr gallwch ddewis Dangos pob defnyddiwr.

Hawliau Defnyddwyr Llawrydd

Fel y nodir uchod, pan gant eu creu gyntaf ni fydd gan ddefnyddwyr llawrydd unrhyw hawliau mynediad at raglenni. Mae'r adran hon yn amlinellu'r broses o ganiatáu a diddymu mynediad defnyddwyr llawrydd at raglenni.

Ychwanegu Hawliau

Er mwyn caniatáu mynediad at y cyfresi neu'r rhaglenni y maent eu hangen, dylech fynd i Enwau Defnyddwyr > Defnyddwyr Eraill > Ychwanegu hawliau defnyddiwr.

Er mwyn rhoi hawliau i ddefnyddiwr (neu i grŵp o ddefnyddwyr), dilynwch y camau syml canlynol.

• Defnyddiwch y rhestr Defnyddwyr i ddewis pa ddefnyddwyr yr ydych eisiau rhoi hawliau iddynt
• Defnyddiwch y rhestr Cyfresi a Rhaglenni Unigol i ddewis pa raglenni yr ydych eisiau iddynt gael mynediad atynt
• Gwasgwch y botwm Arbed ar waelod y ffurflen

Dewisiadau Eraill

Ar waelod y ffurflen mae modd dewis neu ddad-ddewis yr holl ddefnyddwyr a'r holl raglenni. Mae'r rhain wedi'u cynnwys er hwylustod, ond dylid eu defnyddio â gofal i sicrhau nad ydych yn rhoi gormod o fynediad i ormod o ddefnyddwyr.

Dileu Hawliau Defnyddiwr

Er mwyn dileu hawliau defnyddwyr, dylech fynd i Enwau defnyddwyr > Defnyddwyr Eraill > Dileu hawliau defnyddiwr.

Y cam cyntaf yw dewis hawliau pa ddefnyddiwr yr ydych am eu dileu trwy wasgu'r eicon dewis. Bydd y ffurflen yn cael ei hail-lwytho er mwyn dangos rhestr o hawliau presennol y denfyddiwr, fel y gwelir isod.

Er mwyn dileu hawliau mynediad defnyddiwr at raglen benodol, gwasgwch yr eicon dileu sydd wrth ymyl y rhaglen. Bydd gofyn i chi gadarnhau'r weithred hon, fel y gwelir isod.

Bydd cadarnhau'r weithred yn arwain at ddileu hawliau mynediad y defnyddiwr at y rhaglenni a ddewiswyd yn syth. Os ydynt wedi mewngofnodi pan ddilëir yr hawliau, ni fydd y goeden lywio yn diweddaru yn awtomatig ond bydd gwiriadau diogelwch mewnol PAC yn eu hatal rhag cael mynediad at y ffurflenni sy'n gysylltiedig â'r rhaglen.